Was die Page NIT ka.... und was si ka...

Fasnacht uf em www? VERGISS ES! Wenn me scho underem Johr ebbis nit genau ka beschrybe (emene Nit-Fasnächtler scho gar nit) denn isch s'Web kuum s'richtige Medium zem sich iber d' Basler Fasnacht uuszloh! VERGISS ES! Jede macht und erläbt Fasnacht uf sy aigeni Art, jede anderscht. Die Maischte glaube nach wie vor, dass ihri Art die ainzig richtigi isch - au das gheert unter anderem zue de unändlig vyle Facette vo däm Ereignis, grad wie 's vor Johre so träffend inere Pfyfferli-Nummere besunge worde n isch. Also: VERGISS ES!!!! - Vergiss es? - Es git jo no e paar Bebbi wo jetzt nit doo sin, verstreut rund um e Globus und genau doo isch s'www doch nit s'unmeegligschte Medium zem iber Cliqueinternas und d' Fasnacht im allgemaine z' informiere. Ganz glych eb si so wyt ewägg sin wie in Ziri oder so noch wie in Peking...

Also VERGISS NIT: Dr näggscht Morgestraich kunnt.....

Wird 's Dir langwylig underm Johr oder suechsch e konkreti Information zue de alte Sujets, denn gang in unserem ARCHIV go niele!

Und no ebbis:
Dr Webmaster isch vo Geburt e Stadtbasler, aber nit us dr Dalbe und redet Baseldytsch wie ihm dr Schnaabel gwaggse isch. Trotz Suter, Räber, Glopfgaischt und Blasius (wo är alli hoch achtet). Aber e Fasnachtssite uf Hochdytsch? .... Lieber nit! Und will's no kai baseldytsche Thesaurus git, losst är s' stoh wie's isch.

WÄR

Basilea 1968 n.Chr.

Es isch emool e barbarischi Zyt gsy, do isch ganz Basel bsetzt gsi von eme Huffe Carnevalischte wo in de Stammclique s'Zepter fescht in dr Hand gha hän. GANZ BASEL? Nai, e glaini Gruppe vo unbrochene Stritter het anno 1968 däm Driibe en Aend gmacht und
d' SEELEWERMER grindet.

Us däm Huffe isch denn iber all die vergangene Johr (im Archiv kasch go luege) die hittigi Gruppierig entstande.
Im Momänt sin mir:

4 Vordräbler
8 Pfyffer
1 Tambourmajor
2 Tamboure

WO

dr Cliquekäller isch am Kohlebärg 7
(dr Käller vo de Grottegyxer)
4051 Basel

WAS

s' Repertoir, Mir pfyffe und drummle:

Arabi, Die Alte, Altfrangg, Bajass, Barogg, Dudelsagg, Festspiel, Gässler, Glopfgaischt, Gluggsi, Läggerli, Luuser, Naarebaschi, Neji Glaibasler, Neji Schwyzer, Querpfyffer, Rossignol, Ryslaifer, Saggodo, Sambre et Meuse, Tango, Whisky, 3.Värs